De speed limit more confusing than some people relationship
Apr 20, 2025
Kaieteur News- Dem boys seh driving in Guyana like playing hopscotch with yuh gas pedal. One minute yuh flying at 80km/h, de next minute yuh slamming brakes like yuh see a ghost—or worse, a police with a radar gun.
Homestretch Avenue get one speed camera, and it got people creeping through like they sneaking home after curfew. De speed limit deh at 50km/h. Donkey cart passin’ people and asking dem, “Wha tek y’all so long?”
One man tell dem boys he was driving so slow on Homestretch, he nearly get rear-ended by a man on a bicycle. He seh he feel shame when a jogger wave at he while overtaking.
But de real madness deh pon de East Coast. Is like de authorities playin musical chairs with de speed signs. 80km/h, 50km/h, 65km/h, 60km/h—all in de space of five minutes. One minute yuh driving like Lewis Hamilton, next minute yuh crawling like a centipede with arthritis.
Dem seh de 50km/h zones is school zones. But who deh putting schools on a major highway? Is like building a nursery in de middle of a racetrack and telling people “Drive nice, we got babies.” Madness!
Dem boys seh if yuh blink too long, yuh might miss a sign and end up wid a $7,500 fine. One man seh he drive from Better Hope to Mahaica and burn more brakes than gas.
Now Heroes Highway get upgrade to 80km/h—hallelujah! But dem boys hope nobody open a school, shopping mall or build a supermarket next to it, or else it gon drop to 30km/h faster than yuh could say “speed bump.”
Dem boys seh some roads got more mood swings than yuh ex-girlfriend. One minute smooth sailing, next minute de limit change and yuh get flash from de speed camera like it’s paparazzi.
All dem boys asking for is consistency. Put up signs people could understand. And stop building schools where people supposed to be overtaking—not learning ABC.
Drive slow. Drive safe. And keep one eye on de road and de other on de next speed sign. Because in Guyana, yuh never know if yuh driving—or in a maze.
Talk half. Leff half.
Related
Similar Articles
