Dem Boys Seh… Yuh cyah build greatness by brukkin down people
Apr 06, 2025
Kaieteur News- Dem boys seh a big man don’t got to bruk down a lil man fuh feel tall. But wha we see happenin’ now, is de big shots in America tryin’ to mek demself look mighty by punishing de same countries who been holdin’ hands wid dem all along.
Trump come wid he hat and he slogan: Make America Great Again. But dem boys want know—great at what cost? Yuh can’t build greatness pun the backs of partners, friends, and allies. A real great nation does not bully, it inspires. It does not punish; it leads by example.
Now Trump deh trying to reshape de global order like is some chessboard, wid everybody else deh like pawn. He bring in dem “baseline tariffs” and “reciprocal tariffs,” like is some kinda fancy economics, but dem boys wonder—is really trade balance he want, or power dominance?
Because if yuh watch close, is not just about taxes and percentages. Is about reassertin’ control. Is like de old days when empires used to divide up de world like was candies— “one fuh me, one fuh me, and two fuh me again.”
Dem boys seh is wah next? We gon see new colonies? New vassal states? De man want people to bend de knee—not negotiate, but surrender.
And yuh know who feelin’ it? Is countries like Guyana. We got mango, pepper sauce and lil oil—but now de pepper sauce can’t even enter without 38% tax.
Dem boys seh is not liberation. Is modern-day mercantilism.
A truly great nation don’t need to stomp pun others to feel powerful. If yuh big, be magnanimous. If yuh rich, be generous. And if yuh wise, don’t try rule de world—try unite it.
Dem boys seh—greatness ain’t greediness. Greatness ain’t a zero-sum game. But Trump playin’ like is musical chairs, and when de music stop, is only America supposed to get a seat. Leh we hope we leaders don’t make a deal that will cost us our oil reserves. We done lose enough already.
Talk half. Leff half
Related
Similar Articles
